فلسطين مش بس أخبار. فلسطين هيّ وطن، وتاريخ، ومستقبل

فلسطين هيّ إيدين ستّي وهي بتعجن، وهيّ ريحة الزعتر والخبز الساخن. فلسطين هيّ شجر الزيتون يلي بيلعبوا تحته الأولاد، وهيّ الأغاني يلي بتسافر من قرية لقرية. هيّ ذكرياتنا… والأهم، إنه فلسطين أقوى من كل القنابل

بس اليوم، هالإيدين عم تندفن تحت الردم ،أمّا الأولاد عم يتجوعوا عمداً، والمستشفيات عم تتهدم. الصحفيين عم يتقتّلوا، وعائلات كاملة عم تنمحي من السجّل المدني. وكل هاد عم بصير… قدام عيون العالم، عالم ساكت وعامل حاله مش شايف

وعشان هاد السبب بالذات، من حوالي آخر ٢٠٢٣، بلشنا ننظم حالنا بمنطقة ‘أوبرشفابن’ ضد نزع الإنسانية، والتعتيم الإعلامي، والشراكة الألمانية في هذه الإبادة الجماعية والاستيطان الصهيوني. من خلال المظاهرات، والمحاضرات، ونوادي القراءة، أملنا إننا نبني تضامن حقيقي مع القضية الفلسطينية، ونكبر مع بعض كمجتمع متضامن وواعي للعنصرية الصهيونية، وانعكاسها على العنصرية ضد الفلسطينيين وضد العرب في المجتمع الألماني